Sentyabrın 3-də Pekində keçiriləcək möhtəşəm hərbi paradda Çin ilk dəfə olaraq dünyaya özünün ən son silahlarını, o cümlədən yüzlərlə qırıcı və bombardmançı təyyarələri, həmçinin dəniz və quru texnikasını təqdim edəcək. Çin rəsmiləri avqustun 20-də keçirilən mətbuat konfransında bildiriblər ki, Tiananmen meydanında Qələbə Günü paradında ümumilikdə 45 parad bölməsi iştirak edəcək - onların yürüşünün "öz funksiyalarını real döyüş şəraitində əks etdirəcək şəkildə" təşkil ediləcəyi vəd edilib.
Sentyabrın 3-də Çinin İkinci Dünya Müharibəsində Yaponiya üzərində qələbəsinin 80-ci ildönümünə həsr olunmuş parad son on ildə ölkədə belə miqyasda ilk tədbir olacaq. Əksər ölkələr ənənəvi olaraq öz silahlarını və qabaqcıl hərbi texnologiyalarını dünyaya nümayiş etdirmək üçün hərbi paradlardan istifadə etdiyi üçün Pekinin də eyni şeyi edəcəyi gözlənilir.
Bununla bağlı Çin əvvəlcədən açıq şəkildə bildirib ki, müşahidəçilərin gözləntiləri doğrulacaq. Avqustun 20-də Dövlət Şurasının İnformasiya İdarəsi mətbuat konfransı keçirərək tədbirin bəzi təfərrüatlarını açıqlayıb və bunun ölkənin yeni hərbi imkanlarının ən mühüm nümayişi olacağını təsdiqləyib.
Tiananmen meydanında Qələbə Günü paradında hava, quru və dəniz döyüş bölmələri də daxil olmaqla 45 hərbi hissə iştirak edəcək. Hərbi məmurlardan biri deyib ki, onların yürüşü “öz funksiyalarını real döyüş şəraitində əks etdirəcək” şəkildə təşkil olunacaq.
Ancaq ən əsası, parad Çinin özünün ən yeni silahlarından bəzilərini dünyaya nümayiş etdirdiyi ilk dəfə olacaq.
Əziz Mustafa
