Bakı,19 avqust, AZƏRTAC
Ukraynalı boksçu Maksim Zineviç antidopinq qaydalarını pozduğuna görə diskvalifikasiya edilib.
AZƏRTAC xarici mətbuata istinadən xəbər verir ki, idmançının nümunəsində ostarin və liqandrol aşkar edilib. Bu səbəbdən 10 il müddətinə bütün yarışlardan kənarlaşdırılıb.
Onun diskvalifikasiyasının müddəti 2025-ci il aprelin 30-dan hesablanır.
Qeyd edək ki, Maksim Zineviç bu ilin martında 75 kiloqram çəki dərəcəsində ölkə çempionatının qalibi olub.
