BMT baş katibi Antoniu Quterreş Yaponiyaya səfər edəcək.
“Report”un ABŞ bürosu xəbər verir ki, bunu BMT Baş katibinin rəsmi nümayəndəsi Stefan Dujarrik jurnalistlərə açıqlamasında bildirib.
O, baş katib 20-22 avqustda Yaponiyada keçiriləcək Afrikanın İnkişafına dair Tokio Beynəlxalq Konfransında iştirak edəcək və BMT-nin də nümayiş olunduğu dünya sərgisinə baş çəkəcək.
Səfər çərçivəsində A.Quterreş Yaponiyanın Baş naziri Şigeru İşiba ilə görüşəcək, həmçinin ölkənin keçmiş paytaxtı Kiotoya səfər edəcək.
