Vaşinqtonda biz qarşılıqlı öhdəlikləri qeydə aldıq – bunlar dövlətlərin suverenliyinə, ərazi bütövlüyünə və yurisdiksiyasına hörmət prinsipinə əsaslanır. Xüsusi diqqət Azərbaycan Respublikası ilə Naxçıvan arasında Ermənistan ərazisindən keçən maneəsiz nəqliyyat əlaqəsinin təmin olunmasına yönəldilib. Bu, bizim ölkəmiz üçün həm də beynəlxalq səviyyədə tanınan kommunikasiya təminatları və əməkdaşlıq üçün yeni perspektivlər deməkdir.
Ermənistanın baş naziri Nikol Paşinyan xalqa müraciətinidə bu fikirləri səsləndirməklə yanaşı kommunikasiyaların açılmasının gələcək sülhün möhkəm özəlini qoyacağını qeyd edib.
"Bəyanatda qeyd olunub ki, Ermənistan Respublikası ABŞ və razılaşdırılmış üçüncü tərəflərlə birgə beynəlxalq nəqliyyat proqramı çərçivəsində sülh və rifah naminə işləməyə hazırdır. Biz bu məqsədə mümkün qədər tez çatmaq üçün bütün zəruri addımları atmaqda qərarlı olduğumuzu vurğuladıq.
Azərbaycan Prezidenti ilə birlikdə biz keçmiş münaqişənin səhifəsini birdəfəlik bağlamağın və BMT Nizamnaməsinə və 1991-ci il Almatı Bəyanatına uyğun olaraq aydın gələcəyə yol açmağın zəruriliyini qəbul etdik. Bəyan etdik ki, beynəlxalq sərhədlərin dəyişdirilməsi üçün güc tətbiqi yolverilməzdir, bu prinsip dəyişdirilə bilməz və şərtsizdir. Bu, xalqlarımız üçün düşmənçiliyi keçmişdə qoymaq və mehriban qonşuluq münasibətləri qurmaq üçün tarixi bir fürsətdir".
Biz revanş cəhdlərini – həm bu gün, həm də gələcəkdə – qətiyyətlə rədd etdik".
