Həmin gün ABŞ-də prezident Tramp Ukrayna prezidenti Volodimir Zelenski ilə görüşəcək. Zelenski ilə birlikdə bir sıra Avropa liderlərinin də Vaşinqtona səfəri planlaşdırılır. NBC News-un məlumatına görə, görüşdə Ukraynaya təhlükəsizlik zəmanətləri məsələsi də müzakirə olunacaq. Bundan əvvəl, 15 avqustda Alyaskadakı hərbi bazada Rusiya prezidenti Vladimir Putinlə ABŞ prezidenti Donald Tramp arasında üç saatlıq görüş baş tutub. Putin danışıqlardan sonra verdiyi açıqlamada Ukrayna münaqişəsinin əsas mövzu olduğunu bildirib və iki ölkə arasında yeni əməkdaşlıq səhifəsinin açılmasının vacibliyini vurğulayıb. O, həmçinin Trampı Moskvaya dəvət edib. Tramp isə əldə edilən müəyyən irəliləyişlərə baxmayaraq, bütün məsələlər üzrə razılıq əldə olunmadığını qeyd edib.
Təklifinizi, şikayətinizi bizə yazın. Sizi dinlərik. 055 634 88 31
