Alyaskada Vladimir Putinlə görüşdən bir neçə gün əvvəl Donald Tramp ərazi mübadiləsini sülh üçün şərt adlandırdı. Bu bəyanat ukraynalılar üçün aydın deyildi, çünki hansı ərazilərin müzakirə edildiyi və bu mübadilənin necə aparılacağına dair heç bir cavab yoxdur.
Hurriyyet.az xəbər verir ki, bu barədə BBC yazıb.
Nəşr qeyd edib ki, Ukrayna prezidenti Vladimir Zelenski Vaşinqtonda Ağ Ev rəhbəri Donald Trampla görüşə hazırlaşdığından, çox güman ki, ABŞ prezidentinin planlarında “mübadilə” yoxdur.
“Tramp Zelenskiyə təzyiq göstərəcək ki, o, sonunda Donetsk və Luqansk vilayətlərinin Rusiyanın ələ keçirə bilmədiyi və hazırda Kiyevin nəzarətində olduğu ərazilərindən imtina etməyə razı olsun. Rusiya prezidentinin Alyaskada Trampa irəli sürdüyü təklif məhz budur”, - məqalədə vurğulanıb.
Nəşr yazıb ki, demək olar ki, bütün Luqansk vilayəti artıq Rusiyanın nəzarəti altındadır. Hesablamalara görə, Ukrayna hazırda on minlərlə ukraynalının həyatı bahasına əsas şəhərlər və istehkamlar da daxil olmaqla, Donetsk vilayətinin təxminən 30%-nə nəzarət edir.
Birlikdə Donbass kimi tanınan Donetsk və Luqansk vilayətləri faydalı qazıntılar və sənaye baxımından zəngindir. Ukraynalı tarixçi Yaroslav Qritsakın sözlərinə görə, onlardan indi imtina etmək “faciə” olardı.
"Bura Ukrayna ərazisidir. Və bu bölgələrin sakinləri, xüsusilə də mədənçilər, Ukrayna kimliyinin möhkəmlənməsində böyük rol oynadılar. Bu bölgə həm də dünyaya məşhur siyasətçilər, şairlər bəxş etdi. İndi də - Rusiya olsa, evlərinə qayıda bilməyəcək qaçqınlar", - tarixçi qeyd edib.
Nəşr məlumatlara istinad edir ki, 2014-cü ildə Rusiyanın hücumu başlayandan bəri ən azı 1,5 milyon ukraynalı Donbasdan qaçıb. Eyni zamanda üç milyondan çox insan Rusiyanın nəzarəti altında yaşayır. Həmçinin hazırda Kiyevin nəzarətində olan ərazidə 300 minə yaxın sakin yaşayır.
Ukraynalılar son nəticədə Rusiya ilə hər hansı razılaşmanın bağlanacağı təqdirdə təhlükəsizlik zəmanəti almağı vacib hesab edirlər.
publika.az
