Türkiyə və bir çox ölkədə “Ezhel” adı ilə tanınan repçi Ömər Sercan İpəkçioğlu “Kültürsüz” adlı İnstaqram səhifəsinin ‘Milli marşında türk sözü keçən ölkələr’ mövzusunda olan paylaşımına şərh yazaraq, Yunanıstan milli marşı üzərindən Türkiyəni tənqid edib.
Axar.az xəbər verir ki, bu barədə “Haber7” məlumat yayıb.
Belə ki, Ezhel Yunanıstan milli marşında yer alan “Dərin okean bax belə uğuldasın istəyərdim. Və dalğasında hər türk toxumu boğulsun” sözlərinin ‘türk zülmü’ üzündən yazıldığını iddia edib.
Ardınca Ezhel şərh də yazıb:
“Başqalarına zülm etdiyini fərq etdiyində türklük itirdiyi gücünə yenidən çata bilər. Zülmdən zövq aldığımız üçün yazıldı bu marşlar. Ədalətlə xatırlanaq. O zaman milliyyətimizə xidmət etmiş olacağıq. Səhvlərimizi qəbul edək. İnsan kəsməklə qürur duyaraq daha nə qədər irəliləyə bilərik? Türk deyiləndə ağıla əzəmət, ədalət və xoşbəxtlik gəlmədikcə mən türklüyümdən utanıram. Belədir”.
Şərh vətəndaşlar tərəfindən birmənalı qarşılanmayıb. İnsanlar Ezheli bu fikirlərinə görə tənqid edib.
Ləman Cavadova
