Çempionlar Liqasının pley-off mərhələsində “Qarabağ”la “Ferensvaroş” (Macarıstan) arasında keçiriləcək oyunların vaxtı təsdiqlənib.
Sportinfo.az bu barədə UEFA-nın saytına istinadən xəbər verir.
Komandalar arasında ilk oyun avqustun 19-u Budapeştdə keçiriləcək və Bakı vaxtı ilə saat 23:00-da başlanacaq.
Cavab görüşü isə avqustun 27-si Bakıda Tofiq Bəhramov adına Respublika Stadionunda olacaq və yerli vaxtla saat 21:00-da start götürəcək.
"Qarabağ" “Ferensvaroş”la artıq bir dəfə Çempionlar Liqasının 3-cü təsnifat mərhələsində üz-üzə gəlib.
2022-ci ildə Qurban Qurbanovun komandası evdə 1:1 hesabı ilə heç-heçə etdiyi "Ferensvaroş"a Macarıstanda 3:1 hesabı ilə qalib gələrək pley-off-a yüksəlib.
