Fransalı futbolçu Kinsli Koman “Bavariya”dan ayrılaraq Səudiyyə Ərəbistanının “Əl-Nəsr” klubuna transfer olur.
Publika.az xəbər verir ki, bu barədə insayder Nikolo Skira məlumat verib.
“Əl-Nəsr” futbolçu üçün 36 milyon avro ödəyəcək. 28 yaşlı vinger Səudiyyə klubu ilə 2028-ci ilə qədər müqavilə imzalayıb və illik maaşı 22 milyon avro təşkil edəcək.
Koman 2015-ci ildən “Bavariya”da çıxış edib və klubla bir sıra titullar, o cümlədən Çempionlar Liqasını qazanıb.
