Azərbaycan Premyer Liqasının 2025/26 mövsümünün ilk turunda keçiriləcək “Zirə” – “Araz-Naxçıvan” matçının vaxtı dəyişdirilib.
Arena.az bu barədə Peşəkar Futbol Liqasının (PFL) mətbuat xidmətinə istinadən xəbər verir.
Bildirilir ki, “Araz-Naxçıvan” bununla bağlı PFL-ə müraciət ünvanlayıb. Müraciətdə Avropa Konfrans Liqasının 3-cü təsnifat mərhələsinin cavab oyunu çərçivəsində “Omoniya” klubu ilə keçiriləcək görüşdən sonra komandanın vətənə uçuş biletlərinin saatları ilə əlaqədar yaranmış vəziyyət səbəbindən əvvəlcədən nəzərdə tutulmuş vaxtdan gec qayıdacağı qeyd olunub.
Bu səbəbdən “Araz-Naxçıvan” “Zirə” ilə Azərbaycan Premyer Liqasının 2025/2026-cı illər mövsümünün ilk turunun 18 avqust tarixində keçirilməsi planlaşdırılan görüşünün 19 avqust tarixinə dəyişdirilməsini xahiş edib.
Naxçıvan təmsilçisinin müraciəti, “qartallar”ın rəsmi razılıq məktubunu nəzərə alaraq Peşəkar Futbol Liqası qarşılaşmanın 19 avqust saat 20:00-da Zirə İdman Kompleksinin stadionunda start götürməsinə qərar verib.
