Gürcüstanın Kvemo Kartli Polis İdarəsinin Marneuli rayon şöbəsinin əməkdaşları tərəfindən İnterpol xətti ilə qırmızı vərəqə ilə axtarışda olan Azərbaycan Respublikasının vətəndaşı, 1986-cı il təvəllüdlü R.A. saxlanılıb.
Senzor.az yerli KİV-ə istinadən bildirir ki, bu barədə Gürcüstan Daxili İşlər Nazirliyi məlumat yayıb.
Bildirilir ki, saxlanılan şəxs mütəşəkkil dəstəyə üzv olmaqda, sağlamlığa zərər vurmaqda ittiham olunur və 2013-cü ildən Azərbaycan Respublikası tərəfindən axtarışdadır.
Gürcüstan Daxili İşlər Nazirliyinin məlumatına görə, hazırda saxlanılan şəxs barəsində ekstradisyayaqədər prosedurlar həyata keçirilir.
