Avtosfer saytına istinadən ain.az xəbər verir.
Azərbaycanın xalq artisti, iş adamı Emin Ağalarov (Emin Agalarov) musiqiçi, biznesmen və vizyoner kimi rolları uğurla birləşdirən şəxsdir. Onun layihələri – istər möhtəşəm "DreamFest" festivalı, istərsə də "Sea Breeze" kurortları kimi genişmiqyaslı inkişaf təşəbbüsləri – sənayenin yeni standartlarını müəyyənləşdirir. Avtosfer.az xəbər verir ki, Emin Ağalarov "media.az"a verdiyi müsahibədə "DreamFest -pərdəarxasından danışıb, musiqi ilə biznesin bir-birini necə ruhlandırdığını açıqlayıb və yaxın vaxtlarda Azərbaycanda açılması planlaşdırılan Avropanın ən böyük kazinosu da daxil olmaqla iddialı planlarını bölüşüb.
– Emin müəllim, "DreamFest"in uğurla başa çatması münasibətilə sizi təbrik edirik! Bu il festival yeni formatda keçirildi. Bu mövsümdə təşkilatı və ümumi təəssüratları necə qiymətləndirirsiniz?
– Festival heyrətamiz keçdi, baxmayaraq ki, bir çox çətinliklərlə üzləşdik. Bu, bütün komandanın böyük əməyi sayəsində mümkün oldu və nəticədən çox razıyam. Keçən il bu tip ilk festival idi, biz hələ uyğunlaşırdıq, təşkilati məsələlər çox idi, hava şəraiti ilə bağlı çətinliklər yaşanırdı. Bu dəfə isə hər şey daha nizamlı keçdi və hava da bizə kömək etdi. Əminəm ki, gələn il daha parlaq və maraqlı olacaq.
– Festival başlamazdan əvvəl sizdə hər hansı bir narahatlıq və ya həyəcan var idimi?
– Əlbəttə, bu layihə mənim üçün və "Sea Breeze" üçün çox önəmlidir. Çoxsaylı xarici ifaçıları qarşıladıq, çətin riderlərlə işlədik, logistika məsələlərini həll etdik. İlk dəfə dronlarla musiqili şou keçirdik – bütün bunlar, təbii ki, start zamanı əlavə həyəcan yaradırdı.
– Builki dəyişikliklər fonunda hansı ifaçı və ya musiqi janrlarının birləşməsi "DreamFest"in ab-havası üçün açar rol oynadı?
– Məncə, tədbirin əsas özəlliyi odur ki, müxtəlif dövrlərin ifaçılarını dinləmək və görmək imkanı var. Bugün Müslüm Maqomayevin mahnılarına qoşulursan, sabah 80–90-cı illərin xarici hitləri ilə əylənirsən, sonra müasir rep ritmlərinə dalırsan. Musiqi nəsilləri və zövqləri birləşdirir, dövrlər və dinləyicilər arasında körpü yaradır. Bu, həqiqətən də bənzərsiz bir fürsətdir.
Bu, çox dəqiq və zəhmətli bir işdir – tarixlərin, qonorarların, logistikanın uzlaşdırılması. Əvvəl tematik günləri müəyyən edirik, sonra ifaçılar və hitlər üzrə ümumi siyahı tərtib olunur və detallı işlərə keçirik.
– "DreamFest" təkcə musiqi deyil, həm də möhtəşəm mədəni hadisədir. Sizcə, bu tədbir regionun musiqi sənayesinin inkişafına necə təsir göstərir?
– Belə tədbirlər təkcə musiqi sahəsinə deyil, həm də turizm və iqtisadi sektora ciddi təsir edir. İnsanlar müxtəlif ölkə və şəhərlərdən Azərbaycana istirahət və festival üçün gəlirlər.
– Siz qeyd etdiniz ki, gələn il tədbir daha parlaq olacaq. Formatı genişləndirməyi planlaşdırırsınızmı? Yoxsa hələlik istirahətdəsiniz?
– Biz heç vaxt istirahət etmirik (gülümsəyir). Hazırda festivalın televiziya yayımına hazırlaşırıq və hesabatlar toplayırıq. Bir neçə aydan sonra yeni tədbirin planlaşdırılmasına başlayacağıq.
Tikinti layihələri iş vaxtımın 80 faizini tutur, amma musiqi hələ də mənim üçün sevinc və ilham mənbəyidir.
– Bugünkü musiqi üslubunuzu necə müəyyənləşdirirsiniz? Eksperimentlərə yer varmı?
– Konkret bir üslubu seçmək çətindir – mənə müxtəlif istiqamətlər yaxındır. Məsələn, sentyabrda klassik hitlərdən ibarət yeni ingilisdilli albom yazmaq üçün yola düşəcəyəm. Yaxınlarda isə Jah Khalib ilə "Sevgilim" adlı duetim çıxdı – bu artıq gənclər üslubudur. Ümumiyyətlə, eksperiment etməyi və yeniliklər kəşf etməyi sevirəm.
– Müasir şou-biznesə necə baxırsınız? Son 10 ildə sənaye necə dəyişdi və hara doğru gedir?
– Sənaye çox sürətlə inkişaf edir, amma eyni zamanda retro dövrlərə dönüş tendensiyası da müşahidə olunur. 30–50 il əvvəlki mahnılar yenidən oxunur, yeni aranjirovkalar yaradılır. Musiqinin dövri xarakter daşıması sevindiricidir.
– Xaricdəki həyat təcrübəniz və səyahətləriniz "Sea Breeze" tipli kurortların yaradılmasına necə təsir edir?
– Bu təcrübə çox böyük rol oynayır. Səfərlər zamanı gördüyüm və maraqlı hesab etdiyim hər şeyi layihələrimə tətbiq etməyə çalışıram. Tez-tez foto çəkib komandama göndərirəm: "Bizə də bu lazımdır!" – deyə şərhlərlə. Birlikdə optimal həll yolları axtarırıq.
– Hazırda hansı yeni layihələr üzərində çalışırsınız? Yaxın 5 ildə həyata keçirmək istədiyiniz iri biznes ideyalarınız varmı?
– Ən maraqlı və iddialı layihələrimizdən biri – kazino açılışıdır. Azərbaycanda yalnız xüsusi ayrılmış süni adalarda qumar sənayesini leqallaşdıran qanunun qəbulundan sonra bu istiqamət bizi ciddi düşündürür. Bu, ölkənin turizm və iqtisadiyyatına güclü təkan verə bilər. Hazırda rəsmi icazələri gözləyirik və hər şey yolunda getsə, tikintiyə başlamağa hazırıq. Planlarımızda Avropanın ən böyük oyun komplekslərindən birini – təxminən 90 000 m² sahəni əhatə edəcək layihəni həyata keçirmək var.
Daha ətraflı məlumat və yeniliklər üçün ain.az saytını izləyin.
