Gürcüstan millisinin mərkəz müdafiəçisi Saba Qoqliçidze karyerasını İtaliyada davam etdirəcək.
QOL.az xəbər verir ki, 21 yaşlı futbolçu “Empoli”dən “Udineze”yə transfer olunub. Bu barədə İtaliya A Seriyasının təmsilçisinin rəsmi saytı məlumat yayıb.
Oyunçu ilə 2030-cu ilin yayına qədər müqavilə imzalanıb. Mətbuatda yayılan məlumatlara əsasən, bu keçid “Udineze”yə 4 milyon avroya başa gəlib.
Qeyd edək ki, Saba Qoqliçidze Gürcüstanın “Torpedo” (Kutaisi) klubunun yetirməsidir. O, 2024-cü ilin yanvar ayında İtaliya A Seriyasına transfer olunmuşdu. Müdafiəçi Gürcüstan milli komandasında 3 oyunda forma geyinib.
