Rusiya Silahlı Qüvvələri Ukraynanın Xarkov vilayətinin Lozovaya şəhərində dəmir yolu infrastrukturuna zərbələr endirib.
Senzor.az bildirir ki, bu barədə Ukrayna KİV-i məlumat yayıb.
"Bölmələrdən birinin növbətçi mexaniki həlak olub, daha 4 dəmiryolçu yaralanıb. Bütün zərərçəkənlərə lazımi tibbi yardım göstərilir", - məlumatda bildirilib.
Hücum nəticəsində dəmir yolu vağzalı və digər infrastruktur obyektləri zədələnib.
Ukraynanın Fövqəladə Hallar üzrə Dövlət Xidmətinin məlumatına görə, zərərçəkənlərin sayı 10 nəfərə çatıb.
