Xalq yazıçısı Elçin Əfəndiyev I Fəxri xiyabanda dəfn olunub.
Senzor.az bildirir ki, əvvəlcə Milli Gənc Tamaşaçılar Teatrında mərhumla vida mərasimi keçirilib.
Qeyd edək ki, Prezident İlham Əliyev və Birinci vitse-prezident Mehriban Əliyeva Xalq yazıçısı Elçin Əfəndiyevlə vida mərasiminə əklil göndəriblər.
Vida mərasiminə Baş nazir Əli Əsədov, Baş nazirin müavinləri Yaqub Eyyubov, Şahin Mustafayev və Samir Şərifovla bərabər mədəniyyət nazirinin müavinləri, Azərbaycan Yazıçılar Birliyinin sədri, Xalq yazıçısı Anar, deputatlar, ölkənin ədəbi-ictimai xadimləri və media mənsubları da qatılıblar.
Mərasimin ardınca mərhumun cənazəsi dəfn olunmaq üçün I Fəxri xiyabana aparılıb və torpağa tapşırılıb.
Dəfn mərasimində Xalq yazıçısının ailə üzvləri, tanınmış qələm adamları, o cümlədən bir sıra ictimi xadimlər iştirak ediblər.
**
Fotolar Pərvin Zeynalındır ("Qafqazinfo")
