Qanada çiçək virusu yayılmaqda davam edir.
Bakues.az xəbər verir ki, Qana Səhiyyə Xidməti bu ilin may ayından etibarən 20 yeni yoluxma halının qeydə alındığını və ümumi sayın 302-yə çatdığını bildirib.
Qeyd edilib ki, son həftəlik artım epidemiyanın əvvəlki mərhələlərindən daha yüksək olub və bu, virusun yayılmasında dönüş nöqtəsi hesab edilir.
Virusun əsasən yoluxmuş şəxslərlə yaxın fiziki təmasla yayıldığı və simptomların erkən bildirilməsinin vacib olduğu vurğulanıb.
Diqqətə çatdıraq ki, Qana hökuməti artıq ilk ölüm hadisəsinin baş verdiyini açıqlayıb və yüksək risk qrupları üçün peyvənd kampaniyasını davam etdirir.
