Rusiya prezidentinin mətbuat katibi Dmitri Peskov digər ölkələri, xüsusilə də ABŞ-ni nüvə ritorikasına qarşı çox diqqətli olmağa çağırıb.
Redaktor.az xəbər verir ki, Kremlin sözçüsü bu barədə jurnalistlərə açıqlamasında deyib:
"Biz nüvə problemi ilə bağlı bəyanatlara ehtiyatla yanaşırıq. Rusiya məsuliyyətli mövqe tutur, Rusiya prezidenti Vladimir Putinin mövqeyi məlumdur. Rusiya nüvə silahının yayılmaması mövzusuna diqqətlə yanaşır, hesab edirik ki, hər kəs nüvə ritorikasına çox diqqətli olmalıdır".
İyulun 14-də Tramp Ukraynadakı münaqişənin həllində irəliləyiş əldə olunmasa, Rusiya və onun ticarət tərəfdaşlarına 100% ikinci dərəcəli tariflər tətbiq edəcəyi ilə hədələyib. Amerika lideri əvvəlcə Rusiyaya atəşi dayandırmaq üçün 50 gün vaxt versə də, iyulun 28-də bu müddəti 10-12 günə qədər qısaldıb. Onun müddəti avqustun 8-də başa çatır.
