"Atam Seneqaldandır, anam isə türkdür. Hazırda Parisdə yaşayıram. Mən hər zaman Azərbaycanı qardaş ölkə kimi tanımışam. Anam mənə hər zaman Azərbaycan haqqında ətraflı məlumat verib".
Bu sözləri APA-ya açıqlamasında Xankəndi şəhərində keçirilən "Konstitusiya və Suverenlik ili"nə həsr olunmuş Diaspor Gənclərinin VI Yay Düşərgəsinin açılışında Fransadan olan iştirakçı İbrahim Diavara bildirib.
O, Qarabağa ilk dəfə gəldiyini qeyd edib: "Mən Qarabağ savaşını uzun müddət yaxından izlədim. İndi gəldim bura, gördüklərim çox gözəldir. Xankəndi yenidən qurulur. Qarabağın bərpası üçün zaman lazımdır deyə düşünürəm. Ümidvaram, növbəti illərdə buralar gözəl olacaq. Azərbaycan bunun öhdəsindən gələcək."
