Çin hakimiyyəti dövlət qulluqçuları ilə əcnəbilər arasında mümkün təmasları getdikcə məhdudlaşdırır. Hakimiyyət xaricə səfərləri qadağan etməklə yanaşı, “dövlət sektoru” işçilərinin pasportlarını da müsadirə edir. Bu barədə The New York Times (NYT) yazır.
Qəzetin yazdığı kimi, bir çox şəhərlərdə dövlət qulluqçularından hətta şəxsi səbəblərdən xaricə getmək üçün icazə tələb edirlər. Adi tədqiqat, təcrübə mübadiləsi və təhsil” məqsədi ilə xaricə ezamiyyətlər qadağandır. Və əksər əyalətlərdə xaricdə təhsil alanlara indi müəyyən dövlət vəzifələrində işləmək qadağandır.
Qadağa bütün dövlət qulluqçularına, o cümlədən məktəb və bağça müəllimlərinə, həkimlərə, dövlət sirri və ya hər hansı digər məxfi məlumatlara çıxışı olmayan dövlət şirkətlərinin sıravi işçilərinə şamil edilir. Üstəlik, bəzi şəhərlərin rəhbərliyi dövlət qulluqçularının pasportlarını təqaüdə çıxdıqdan sonra da qaytarmır.
NYT-nin qeyd etdiyi kimi, yüksək rütbəli məmurların xarici səfərlərinə qadağa Çində 20 ildən artıqdır ki, qüvvədədir. Lakin Si Cinpin dövründə nəzarət daha aşağı səviyyəli dövlət qulluqçularına şamil edildi. Qəzet qeyd edir ki, qaydaların özü mərkəzi hökumətin dövlət qulluqçuları arasında siyasi nizam-intizamı və ideoloji loyallığı gücləndirmək cəhdidir.
Əziz Mustafa
