10 illik dövr başa çatdı - "Tottenhem"dən getdi

"Tottenhem"in futbolçusu Son Hın Min klubdan ayrılıb.

QOL.az xəbər verir ki, o, bunu "Nyukasl"la yoldaşlıq oyunundan öncə təşkil olunan mətbuat konfrnsında açıqlayıb.

33 yaşlı hücumçu 10 illik "Tottenhem" karyerasını bitirdiyini ela edib: "Mətbuat konfransına başlamazdan əvvəl demək istərdim ki, bu yay klubdan ayrılmaq qərarına gəldim. 

Bu, karyeramın ən çətin qərarı oldu. Çox gözəl xatirələrim var. Getmək qərarı əbul etmək inanılmaz dərəcədə çətin oldu. İnkişaf etmək üçün mənə yeni mühit lazımdır. Bir az dəyişikliyə ehtiyacım var. 10 il uzun müddətdir. Mən Londonun şimalına uşaq ikən gəlmişdim, 23 yaşım var idi. İndi isə mən bu klubu böyük bir insan kimi, qürurlu şəkildə tərk edirəm. Mənə göstərdiyi sevgiyə görə bütün "Tottenham" azarkeşlərinə təşəkkür edirəm".

Qeyd edək ki, hücumçu 2015-ci ildən "Tottenhem"də oynayırdı. O, klubla cəmi bir kubok - 2025-ci il Avropa Liqasını qazanıb. 

• Futbol
• Tottenhem
• MÉ™tbuat Konfransı
• Nyukasl
• Son Hın Min
• Karera