ain.az, Bakivaxti saytından verilən məlumata əsaslanaraq xəbər yayır.
"Səkkiz il əvvəl vəd etdiyimiz həyat dolu şəhər bu gün artıq reallığa çevrilib".
Bakıvaxtı.az "InterPress.ge"yə istinadən xəbər verir ki, bunu Tbilisi meri və "Gürcü Arzusu – Demokratik Gürcüstan" partiyasının merliyə namizədi Kaxa Kaladze deyib.
Onun sözlərinə görə, yeni seçki kampaniyasının əsas şüarı və vədi "Gürcüstana sülh, Tbilisiyə daha çox yaxşılıq" olacaq:
"Səkkiz il əvvəl Tbilisi meri vəzifəsinə ilk dəfə namizədliyimi irəli sürdüyüm zaman şüarımız "Həyat dolu şəhər" idi. Tbilisinin hər bir məhəlləsi bu gün səkkiz il əvvəlkindən daha canlıdır".
O əlavə edib ki, hazırda Gürcüstan və Tbilisi sülh adasıdır və bu, ölkəyə inkişaf üçün unikal imkanlar yaradır.
“Sülh olmasa, inkişafdan və irəliləyişdən danışmaq mümkün deyil. Bugünkü sülh "Gürcü Arzusu – Demokratik Gürcüstan"ın siyasətinin nəticəsidir", – deyə Kaladze qeyd edib.
Gülşən Şərif
Sonrakı hadisələr barədə daha çox məlumat almaq üçün ain.az saytını izləyin.
