Moskvada “Krokus” işi üzrə terror qruplaşmasının iki lideri müəyyənləşib.
Missiya.Az xəbər verir ki, bu barədə RİA Novosti məlumat yayıb.
Agentliyin məlumatına görə, polis əməkdaşları “Krokus”da terror aktını həyata keçirənlərin də daxil olduğu terror hücrələrinin iki təşkilatçısını müəyyən ediblər. Lakin onların kimliyi açıqlanmır. Qeyd olunur ki, onlar hazırda axtarışdadır.
Qeyd olunub ki, həmin şəxslər 2023-cü ilin noyabrında terror aktının iştirakçılarının daxil olduğu "Vilayət Xorasanın"(İŞİD-in Əfqanıstan qanadına aiddir) üç hücrəsinin işini təşkil ediblər.
Krokusda terror aktı 2024-cü il martın 22-də baş verib və bu, Rusiyanın müasir tarixində ən böyük terror aktılarından hesab olunur. “Piknik” rok qrupunun konserti başlamazdan əvvəl 4 nəfər saraya daxil olaraq insanlara atəş açıb. Faciə nəticəsində 147 nəfər həlak olub, 300-dən çox insan yaralanıb.
ElcanMissiya.Az
