UEFA Konfrans Liqasının II təsnifat mərhələsində “Sabah” doğma meydanda Moldova təmsilçisi “Petrokub”u qəbul edib.
90deqiqe.Az xəbər verir ki, Əlincə stadionunda keçirilən qarşılaşma “bayquşlar”ın 4:1 hesablı qələbəsi ilə başa çatıb.
Matçda hesab 21-ci dəqiqədə açılıb – Coy Lens Mikels dəqiq zərbə ilə komandasını önə çıxarıb. 7 dəqiqə sonra Mikels dubla imza ataraq fərqi iki topa yüksəldib. 42-ci dəqiqədə “Sabah”ın müdafiəçisi Stiv Solvet avtoqol müəllifi olsa da, cəmi iki dəqiqə sonra Coy Lens Mikels het-trikini rəsmiləşdirib.
İlk hissəyə əlavə olunmuş 2-ci dəqiqədə isə Pavol Şafranko komandasının dördüncü qoluna imza atıb.
Qarşılaşmanı Serbiyadan olan baş hakim Danilo Nikoliç idarə edib.
Bu nəticə ilə “Sabah” UEFA Konfrans Liqasının növbəti mərhələsinə vəsiqə qazanıb.
