Braziliya təmsilçisi "Flamenqo" Avropada çıxış edən hücumçu Samuel Linunun keçidini tamamlayıb.
Fanat.Az xəbər verir ki, sözügedən klub futbolçunun transferi üçün "Atletiko Madrid"ə 22 milyon avro əsas ödəniş və 2 milyon avro bonus olmaqla ümumilikdə 24 milyon avro təklif edib.
Bu, "Flamenqo" tarixində ən yüksək məbləğdir.
Məlumatı məşhur insayder Fabritsio Romano yayıb.
Hazırda tərəflər şəxsi müqavilə və bonus detallarını yekunlaşdırmaq mərhələsindədir. Samuel yaxın günlərdə Braziliyaya yollanaraq tibbi müayinədən keçəcək və "Flamengo" ilə müqaviləyə imzalayacaq. Onun keçidi "Tottenhem"dən gətiriləcək müdafiəçi Emerson Royalla birlikdə rəsmiləşdiriləcək.
Qeyd edək ki, Linu daha əvvəl "Flamenqo"nun aşağı yaş qrupları üzrə komandalarında da forma geyinib. Onun yenidən Braziliyaya dönüşü həm klub rəhbərliyi, həm də azarkeşlər tərəfindən böyük coşqu ilə qarşılanıb.
Kamil Xudiyev
