Salyan-Noxudlu kənd yolunda baş verən yol-nəqliyyat hadisəsində xəsarət alan şəxslərin kimliyi məlum olub.
Bizim.Media xəbər verir ki, qəza zamanı Salyan şəhər sakini Kərim Gözəlova məxsus Mercedes markalı avtomobil ilə Ford Transit markalı nəqliyyat vasitəsi toqquşub.
Hadisə nəticəsində iki nəfər xəsarət alıb.
Onlar 1968-ci il təvəllüdlü Şükürova Nailə Əhəd qızı və 2005-ci il təvəllüdlü Rüstəmov Xəyal Nəmət oğludur.
Salyan Rayon Mərkəzi Xəstəxanasından verilən məlumata görə, hər iki yaralının vəziyyəti orta -ağır, sabit olaraq qalır.
Sabutay, Bizim.Media, Cənub bürosu
