BAKI, 26 iyul. TELEQRAF
ABŞ Milli Aeronavtika və Kosmik Tədqiqatlar Agentliyinin (NASA) rəhbərliyi işçilərin sayının 3870 nəfər azalaraq təxminən 14000 nəfərə çatacağını açıqlayıb.
Teleqraf xəbər verir ki, bu barədə Kosmik Agentliyin rəsmi nümayəndəsi Şeril Uorner məlumat verib.
O qeyd edib ki, NASA Ay və Marsın tədqiqi də daxil olmaqla, kosmos kəşfiyyatı və innovasiyanın qızıl dövrünü tam şəkildə davam etdirmək qabiliyyətini qorumaqla səmərəliliyi artırmaq istəyir.
Uornerin sözlərinə görə, agentliyin təxminən 3870 əməkdaşı (ümumi işçilərin 21 faizi) işçilərin əlavə ödəniş və ya digər müavinətlər üçün könüllü olaraq işdən çıxa biləcəyi iki ixtisar proqramında iştirak etməyə razılaşıb.
