Tehranda su qıtlığının indiki sürətlə davam edəcəyi və problemin həlli tapılmayacağı təqdirdə, əhalinin su ilə təmin edilməsi qeyri-mümkün olacaq.
Ölkə.az xəbər verir ki, bunu İran prezidenti Məsud Pezeşkian islahatçı qanadın üzvlərinilə görüşdə Tehrandakı su böhranı ilə bağlı fikrilərini bölüşərkən deyib.
Yaranmış vəziyyətdən çıxş yolu kimi Pezeşkian paytaxtın Tehrandan köçürülməsi ilə bağlı fikirlərini təkrarlayıb. "Mən əvvəllər demişdim ki, paytaxtı köçürməliyik. Bəziləri məni tənqid etdi, amma belə davam edə bilmərik. Çnüki enerji balanssızlığı ciddi mərhələdədir. Tehranın həqiqətən suyu yoxdur və belə davam edərsə, xalqı su ilə təmin edə bilməyəcəyik", - Pezeşkian qeyd edib.
İranda davam edən quraqlıq səbəbindən bəndlərdə suyun səviyyəsinin aşağı düşdüyü bildirilib. Tehran Regional Su İdarəsi iyulun 20-də yaydığı bəyanatda Tehranı təmin edən bəndlərdəki su anbarlarının son əsrin ən aşağı səviyyəsinə çatdığı barədə xəbərdarlıq edib və ictimaiyyəti suya qənaət etməyə çağırıb.
Mürtəza
