Ukrayna heyəti artıq Türkiyədədir - Rusiya ilə danışıqların başlanmasına bir neçə saat qalıb

Hurriyyet.az xəbər verir ki, Ukraynanın nümayəndə heyəti Türkiyədədir. Danışıqlar əvvəlcə Ankarada, sonra isə İstanbulda keçiriləcək. 

Bu barədə Ali Radanın deputatı Aleksey Qonçarenko sosial şəbəkələrdə məlumat verib.

Deputat yazıb: "Ukraynanın nümayəndə heyəti danışıqlar aparmaq üçün Türkiyədədir. Danışıqlar əvvəlcə Ankarada, sonra isə İstanbulda keçiriləcək". 

Ukrayna mətbuatının yazdığına görə, nümayəndə heyəti Ankarada Türkiyə hökumətinin, İstanbulda isə Rusiyanın təmsilçiləri ilə görüşəcəklər.

Ukrayna ilə Rusiya heyətlərinin danışıqlarının üçüncü mərhələsinin bu gün axşam, Bakı vaxtı ilə saat 20.00-da Çiraqan sarayında keçiriləcəyi gözlənilir.

Hürr Tərcüman

• TürkiyÉ™
• Ukrayna
• Danışıqlar
• Ankara
• İstanbul