Azərbaycanın qadınlardan ibarət 3x3 basketbol millisi Dünya Seriyasının Buxarest mərhələsində növbəti qələbəsini qazanıb.
Fanat.Az xəbər verir ki, təmsilçimiz C qrupunda Sinqapuru 22:10 hesabı ilə məğlub edib.
Yığma bu gün qrupda ikinci matçını Ukraynaya qarşı keçirəcək. Oyun Bakı vaxtı ilə saat 21:15-də başlayacaq.
Qeyd edək ki, Azərbaycan millisi seçmə mərhələnin A qrupunda ötən gün Yaponiyanın "Tsukuba" (21:10) və İsveçrənin "Lozanna" (21:11) komandalarını da üstələyib.
