ain.az, Turkstan.az saytına istinadən bildirir.
Şimali İrlandiyada "On ikinci" festivalı zamanı immiqrantlara qarşı simvolik tonqal aksiyası keçirildi.Turkustan.az xəbər verir ki, Şimali İrlandiyada kral tərəfdarları tərəfindən qeyd olunan ənənəvi "On ikinci" festivalı zamanı keçirilən tədbirlər bu il mübahisələrə səbəb olub. Festival çərçivəsində yandırılan nəhəng tonqallarda immiqrantlara qarşı simvolik mesajlar verilib.1690-cı il iyulun 12-də İngiltərənin protestant kralı III Uilyamın katolik kral II Ceyms üzərində qazandığı Boyn döyüşünün 335-ci ildönümünə həsr olunan tədbirlər bu il də Şimali İrlandiyanın royalist bölgələrində tonqalların yandırılması ilə qeyd olunub.Ən böyük tonqalların iyulun 11-dən 12-nə keçən gecə yandırıldığı tədbirlər çərçivəsində Tayron qraflığının Moyqaşel şəhərində təşkil edilən mərasimdə böyük rezonans doğuran aksiya keçirilib. Burada tikinti altlıqlarından hazırlanmış 20 metr hündürlüyündə qüllənin üzərinə La-Manş boğazını keçməyə çalışan nizamsız miqrantları simvolizə edən, xilasedici jiletlər geydirilmiş cansız manekenlərlə dolu şişmə qayıq yerləşdirilib.Qüllədə “Qayıqları dayandırın”, “Veteranlar immiqrantlardan əvvəl” və “Qeyri-qanuni immiqrasiyanı dayandırın” kimi şüarların yer aldığı plakatlar nümayiş etdirilib. Bundan əlavə, İrlandiya Respublikasının bayrağı da miqrant gəmisini təmsil edən şişmə strukturun üzərinə bərkidilib.Bu aksiyalar sosial şəbəkələrdə və bəzi ictimai dairələrdə kəskin tənqidə səbəb olub.
Aytən Yaşar/ Turkustan.az
Hadisənin gedişatını izləmək üçün ain.az saytında ən son yeniliklərə baxın.
