Ukrayna KİV-i xəbər verir ki, Ukrayna Silahlı Qüvvələrinin Kursk vilayətinin Korenevo kəndindəki komanda məntəqəsinə endirdiyi zərbə nəticəsində azı 10 yüksək rütbəli rus zabiti həlak olub.
Ölənlər arasında Jukov ordenli 155-ci Əlahiddə Qvardiya Dəniz Piyadaları Briqadasının komandiri, polkovnik İlyin Sergey, həmçinin 155-ci briqadanın qərargah rəisi, polkovnik Leonid Başkardin də var.
Rusiya Federasiyası İlinin ölümünü rəsmən təsdiqləyib. Onlar polkovnik İlyinin Çuvaş Respublikasında tam hərbi şərəflə dəfn edildiyini bildiriblər. Məlumatda o, iyulun 2-də Ukraynanın raket zərbəsi nəticəsində məhv edildiyi də bildirilir.
Xatırladaq ki, bundan əvvəl KİV-lər bu endirilən zərbə nəticəsində Hərbi Dəniz Qüvvələrinin baş komandanının müavini, general-mayor və Rusiya Federasiyasının Qəhrəmanı Mixail Qudkovun da öldürüldüyünü yazmışdılar. Bundan əvvəl o, Sakit Okean Donanmasının 155-ci Əlahiddə Qvardiya Dəniz Briqadasının komandiri olub.
Almaz Həsənli
