"Geniş bir  konfransın keçirilməsi  çox yaxşı olardı"

Bu  gün işğaldan azad  edilmiş  torpaqlarımız  böyük  bir  tikinti   meydanını  xatırladır.Düşmənin izləri  torpaqlarımızdan sürətlə və  həm də  uğurlu  bir  şəkildə  silinir.Aparılan  işlərlə  yerindəcə  tanış olmaq  üçün  tez-tez Qarabağa  və Şərqi Zəngəzura  turlar  təşkil  olunur. Həmin səfərlərdən  bir bu ayın əvvələrində reallaşıb. Ölkəmizdə fəaliyyət  göstərən  partiya funksionerləri, Füzuli, Cəbrayıl və Zəngilan rayonlarında olublar. 

Artıq  səfər  başa  çatıb, amma təsuratlar  qalır. Elə  bu  təssuratı  öyrənmək üçün  Azərbaycan Xalq Partiyasının sədri Pənah Hüseynlə əlaqə  saxladıq::

-  Həqiqətən  xeyli  görülmüş  işlərin  şahidi  olduq. Amma bundan sonra da    daha  böyük  və daha çox  işlərin görülməsi vacibdir və görüləcək  də. Binalar  ucalır, sakinlər  qayıdır... Xüsusi  ilə Cəbrayılda  sakinlərlə  özüm də söhbət etdim.  Mənim üçün  ən xoş təəssürat Cəbrayıla   bağlı oldu. Görülən  işlər  sevindirici  olsa da , burada  roblemlər də var. Zənnimcə  bərpada xüsusi təşəbbüs göstərmək istəyən  insanları da bu  işə  cəlbi etmək olar.  Səfər zamanı  bu barədə qeydlərimi  bildirdim. Ümumiyyətlə, burada  paralel olaraq həm də  bir  məskunlaşma konsepsiyası olmalıdır. . Mən  orada  da  bildirdim  və  yenə  təkrar  edirəm ki,   rayonların birində  siyasi partiyaların, mütəxəssislərin iştirakı ilə geniş bir  konfransın keçirilməsi   çox yaxşı olardı.