Fransanın cənub-şərqində, Sen-Trope limanında "Sea Lady II" adlı superyaxta yanıb.
APA xəbər verir ki, bu barədə "Agence France-Presse" agentliyi yanğınsöndürmə xidmətindəki mənbələrə istinadən məlumat yayıb.
Hazırda xəsarət alanlar barədə məlumat yoxdur. Dəniz ərazisinin çirklənməsinin qarşısını almaq məqsədilə xüsusi qoruyucu baryerlər quraşdırılıb.
Yanğınsöndürmə xidmətinin nümayəndəsi bildirib ki, uzunluğu 41 metr olan yaxtanın batma ehtimalı yüksəkdir.
