Gündə 30 dəqiqə gəzinti döş xərçəngi riskini 30% azaldır
Gündə 30 dəqiqə gəzintiyə çıxmaq vərdişi qadınlarda döş xərçəngi riskini 30% azalda bilər. Bu barədə İspaniya Tibbi Onkologiya Cəmiyyətinin (SEOM) həkimləri məlumat verib.
Mütəxəssislərin fikrincə, fiziki fəaliyyət də xərçəngin təkrarlanma ehtimalını 40% azaldır. Bundan əlavə, gəzinti döş xərçəngindən ölüm ehtimalını 20% azaldır.
Elm adamları əlavə etdi ki, orta məşq bir sıra digər şişlərin - kolon, sidik kisəsi, endometrium, yemək borusu və mədə xərçənginin inkişaf riskini azaltmağa kömək edir.
Profilaktik tədbir kimi yeriməyin effektivliyi Valensiya Onkologiya İnstitutunda aparılan tədqiqatlarla təsdiqlənir. Mütəxəssislər vurğulayırlar ki, fiziki məşqlər orqanizmə kimyaterapiyaya daha asan dözür, yan təsirləri azaldır və müalicədən sonra sağalmanı təşviq edir.
SEOM-in fiziki məşqlər və onkologiya üzrə işçi qrupunun koordinatoru Dr.J.Blanka Herrero deyir: “Daimi gəzinti hormonal tənzimləməni yaxşılaşdırır, immunitet sistemini gücləndirir, iltihabı və qan şəkərini azaldır, həmçinin çəkiyə nəzarət etməyə kömək edir”.
Gəzintinin əlavə faydaları arasında qəbizliyin qarşısının alınması, ürəyin fəaliyyətinin yaxşılaşdırılması və serotonin və endorfin istehsalı hesabına əhval-ruhiyyənin yaxşılaşdırılması daxildir.
