Bizimyol portalından əldə olunan məlumata əsasən, ain.az xəbər verir.
"Meta" istifadəçilərlə daha çox əlaqə qurmaq üçün süni intellekt chatbotu vasitəsilə "təqib mesajları" göndərməyi sınayır. "Meta AI", istifadəçiyə heç bir xəbərdarlıq etmədən, əvvəlki söhbətlərinə əsaslanaraq mesaj göndərir və söhbəti yenidən başlayır.
Bizimyol.info xəbər verir ki, bu yeni xüsusiyyət "Messenger", "Instagram" və "WhatsApp" kimi platformalarda tətbiq ediləcək.
Testlərdə istifadə olunan chatbotlardan biri "Film Sehrbazı"dır. O, istifadəçiyə "bu axşam hansı filmi izləmək istərsiniz?" kimi suallar verərək birbaşa mesaj göndərir. Bu sistem, istifadəçinin əvvəlki söhbətləri əsasında əlaqə qurur. Sistemi, məlumat etiketləmə şirkəti "Alignerr" hazırlayır və "Meta" ilə birgə çalışır.
"Meta" və "Alignerr" istifadəçilərlə daha yaxşı ünsiyyət qurmaq üçün fərdiləşdirilmiş süni intellekt botları hazırlayır.
"TechCrunch" saytına danışan "Meta" nümayəndəsi bildirib ki, bu xüsusiyyət istifadəçilərlə "birbaşa" əlaqə qurmağa kömək edəcək və istifadəçilərlə əlaqəni artırmağa yönəlib.
"Meta AI" yalnız istifadəçi son 14 gün ərzində chatbot ilə ən az bir dəfə söhbət edibsə mesaj göndərəcək. Həmçinin, istifadəçinin ən az 5 mesajlıq söhbət tarixi olmalıdır. Əgər istifadəçi bu ilk mesajı cavablandırmasa, bot daha sonra heç bir mesaj gönderməyəcək.
"Meta AI Studio" vasitəsilə istifadəçilər, öz təcrübələrinə uyğun süni intellekt botları yarada biləcəklər. Bu botlar gələcəkdə özbaşına mesaj göndərən sistemlərə çevrilə bilər.
"Meta AI", "Facebook", "Messenger" və "Instagram" üzərindən söhbət, stiker yaradılması və şəkil redaktə edilməsi kimi funksiyalar yerinə yetirir. Bu ilin əvvəlində "WhatsApp"a da inteqrasiya olunmuşdu.
Bundan əlavə, istifadəçilər süni intellektlə apardıqları söhbətləri "Kəşf Et" bölməsində paylaşa bilərlər, amma bu, şəxsi məlumatların təsadüfən ifşa olmasına səbəb ola bilər.
"Meta"nın bu yeni xüsusiyyəti, istifadəçilərin məxfiliyini və məlumat təhlükəsizliyini təhdid edə bilər. Spam qarşısını alma mexanizmləri olsa da, bəzi istifadəçilər üçün süni intellektlə göndərilən gözlənilməz mesajlar narahatlıq yarada bilər.
Xüsusilə sosial mediada süni intellektlə qurulan əlaqələrin sərhədləri hələ də müzakirə olunur.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
