İsrail Müdafiə Qüvvələri Qəzza zolağının şimalında yerləşən Beyt Hanun şəhərini mühasirəyə almaq üçün yeni hərbi əməliyyata başlayıb.
Teleqraf xəbər verir ki, bu barədə IDF-in mətbuat xidmətinin yaydığı məlumatda qeyd olunub.
162-ci diviziyanın komandanlığı altında fəaliyyət göstərən Givati Briqadasının döyüş qrupu 99-cu diviziya ilə birləşərək, şəhərin mühasirəyə alınması istiqamətində hərəkətə keçib.
“Əməliyyatın məqsədi bölgədə fəaliyyət göstərən qrupu zərərsizləşdirmək, eləcə də HƏMAS-a məxsus infrastrukturu və hərbi potensialı məhv etməkdir”, - deyə rəsmi açıqlamada bildirilir.
Hazırda ərazidə döyüşlərin davam etdiyi və əməliyyatın gedişatına dair əlavə məlumatların veriləcəyi gözlənilir.
