Avtosfer portalından verilən məlumata görə, ain.az xəbər yayır.
Qaradağ rayonu, Səngəçal qəsəbəsində ağır yol-nəqliyyat hadisəsi baş verib.
Avtosfer.az-ın məlumatına görə, bədbəxt hadisə iyulun 9-da səhər saatlarında qeydə alınıb.
Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, hadisə səhər saat 11:00 radələrində Bakı-Qazax yolunun 46-cı kilometrliyində Səngəçal qəsəbəsi ərazisində baş verib: “Belə ki, 99-AU-092 dövlət nömrə nişanlı "Hyundai" markalı avtomobilin sürücüsü Yaqubov Elnur Eynulla oğlu idarəetməni itirib. Nəticədə yoldan çıxan maşın səkidə dayanan ana və qızını vurub. Hadisə nəticəsində 1974-cü il təvəllüdlü Bədirova İradə Müslüm qızı dünyasını dəyişib, mərhumun qızı - 2004-cü il təvəllüdlü Bədirova Gülnar Rəsul qızı isə müxtəlif dərəcəli bədən xəsarətləri alıb”.
Qeyd edək ki, faktla bağlı araşdırma aparılır.
Nərmin
Ən son xəbərləri və yenilikləri almaq üçün ain.az saytını izləyin.
