Şimali Makedoniyanın paytaxtı Skopyedə XVIII Avropa Gənclər Yay Olimpiya Festivalı (EYOF) çərçivəsində keçiriləcək cüdo yarışları üçün Azərbaycan yığmasının heyəti açıqlanıb.
Offsideplus.az xəbər verir ki, festivalda ölkəmizi 12 çəki dərəcəsində 12 cüdoçu (6 oğlan, 6 qız) təmsil edəcək.
Yığmamız turnirin son günündə qarışıq komanda yarışında mübarizə aparacaq.
Cüdoçularımıza yeniyetmə oğlanlardan ibarət yığmanın baş məşqçisi Emin İskəndərov və yeniyetmə qızlardan ibarət yığmanın baş məşqçisi Elnur İsmayılov rəhbərlik edəcək.
Qeyd edək ki, festivalın cüdo yarışlarında 44 ölkədən 341 idmançı (184 oğlan, 157 qız) qüvvəsini sınayacaq.
Qızlar
44 kq
Gülşən Hüseynova
48 kq
Nuranə Hacızadə
52 kq
Aysun Məmmədova
57 kq
Səmayə Yusifli
63 kq
Ayan Əliyeva
+70 kq
Zemfira Əliyeva
Oğlanlar
50 kq
Rza Xəlilli
55 kq
Rəsul Əlizadə
60 kq
Zeyd Ələsgərov
73 kq
Məhəmməd Ağakişiyev
81 kq
Amin Mehdiyev
+90 kq
Sübhan Axundov
