Neft qiymətləri çərşənbə günü bir qədər geriləyib.
Marja xəbər verir ki, investorların ABŞ-ın gömrük rüsumları ilə bağlı gələcək addımları gözləmələri və ABŞ-da xam neft ehtiyatlarının artması gözləntiləri qiymətlərə təzyiq göstərib.
Brent markalı neft 0,2 faiz ucuzlaşaraq 70,02 dollara, ABŞ xam nefti (WTI) isə 0,1 faiz ucuzlaşaraq barreli 68,25 dollara düşüb.
ABŞ prezidenti Donald Tramp, Yaponiya, Cənubi Koreya və Avropa İttifaqı kimi əsas ticarət tərəfdaşlarına tətbiq edilən tarifləri yüngülləşdirməyə dair sövdələşmələrin hələ də imzalana biləcəyinə ümid verib.
Tramp əlavə edib ki, o, idxal edilən misə 50 faizlik rüsum tətbiq edəcək. Həmçinin tezliklə yarımkeçiricilər və əczaçılıq məhsullarına vergi tətbiq edəcək ki, bu da qlobal bazarları sarsıdan ticarət müharibəsini genişləndirə bilər.
