Metronun "20 Yanvar" stansiyasının yaxınlığında açıq ərazidə yanğın söndürülüb.
Fövqəladə Hallar Nazirliyinin (FHN) Mətbuat Xidmətindən Oxu.Az-a verilən xəbərə görə, yanğınsöndürənlərin çevik müdaxiləsi sayəsində açıq ərazidə baş vermiş yanğının genişlənməsinə imkan verilmədən qısa müddətdə qarşısı alınıb.
Metronun "20 Yanvar" stansiyasının yaxınlığında açıq ərazidə yanğın baş verib.
Fövqəladə Hallar Nazirliyinin (FHN) Mətbuat Xidmətindən Oxu.Az-a verilən xəbərə görə, FHN-in "112" qaynar telefon xəttinə Bakı şəhəri, Yasamal rayonu, metronun "20 Yanvar" stansiyasının yaxınlığında açıq ərazidə yanğın baş verməsi barədə ilkin məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb edilib.
Hazırda yanğınla mübarizə tədbirləri davam etdirilir.
Əlavə məlumat veriləcək.
