İyulun 5-nə keçən gecə Ukrayna pilotsuz təyyarələrinin hücumları nəticəsində Rusiya hava limanlarında baş verən nəqliyyat çökməsi iyulun 7-də səhər saatlarına kimi iki mindən çox uçuşa təsir edib.
Herbiand.az xəbər verir ki, Rosaviasiyanın məlumatına görə, iyulun 5-dən iyulun 7-də Moskva vaxtı ilə saat 6:00-a qədər olan müddətdə aviaşirkətlər 485 reysi ləğv edib, 88 reys alternativ aerodromlara göndərilib, min reys təxirə salınıb. Ən çox Moskvanın Şeremetyevo, Sankt-Peterburqun Pulkovo və Nijni Novqorodun Çkalov (Strigino) hava limanları zərər çəkib.
İki gün ərzində aviaşirkətlər 43 min məcburi biletin geri qaytarılmasını həyata keçirib, 94 min insan isə otellərdə yerləşdirilib. Bundan əlavə, aviadaşıyıcılar yemək üçün 155 min, içkilər üçün isə 199 min çek təqdim ediblər.
“Kommersant” yazır ki, Rusiya Nəqliyyat Nazirliyi bundan əvvəl iyulun 5-də Şeremetyevo, Pulkovo və Striqinoda 250-dən çox reysin ləğv edildiyini, 270-dən çoxunun isə gecikdiyini bildirmişdi. İyulun 6-da axşam Nəqliyyat Nazirliyi bildirib ki, saat 18:00-a qədər üç hava limanında 400-ə yaxın reys ləğv edilib və ya ləngiyib ki, bunun da yarıdan çoxu Şeremetyevoda olub.
Ən çətin vəziyyət iyulun 7-də səhər saatlarında Sankt-Peterburqun Pulkovo hava limanında qalıb, burada Rosaviasiyanın məlumatına görə, 104 reys iki saatdan çox gecikib, 8 reys isə ləğv edilib. Eyni zamanda, “Yandex”ə görə. Moskva vaxtı ilə saat 11:15-ə olan məlumata görə, Pulkovoda 152 reys gecikib, 32 reys ləğv edilib.
Dəymi ziyanın həcmi on milyardlarla rubl təşkil edir.
