Liberiyanın keçmiş prezidenti Uilyam Tolbert 1980-ci ildə çevriliş zamanı öldürüldükdən 45 il sonra mərasimlə simvolik olaraq yenidən dəfn edilib.
News24.az xəbər verir ki, paytaxt Monroviyada keçirilən dəfn mərasimində ölkənin hazırkı prezidenti Cozef Boakai ilə yanaşı, hökumət rəsmiləri, diplomatik nümayəndələr və 1980-ci il çevrilişində həlak olanların ailə üzvləri də iştirak edib.
Tolbert və çevrilişdə həyatını itirən 13 nazirin xatirəsini anmaq üçün təşkil edilən mərasimdə, gələcəkdə tapıla biləcək qalıqların basdırılması üçün boş məzar açılıb.
Qeyd edək ki, 1980-ci il çevrilişindən sonra Liberiyada təxminən 250.000 insanın həyatını itirdiyi iki vətəndaş müharibəsi baş verdi. 2003-cü ildə sülh sazişindən sonra 2005-ci ildə demokratik seçkilər keçirildi və Afrikanın ilk seçilmiş qadın prezidenti Ellen Conson Serlif vəzifəyə başladı.
Aqil
