Mişel Kanq Fransanın “Lion” klubunun yeni prezidenti olub.
Yeniavaz.com xəbər verir ki, bu barədə klubun rəsmi saytı məlumat yayıb.
Məlumata görə, əvvəllər bu vəzifəni amerikalı Con Tekstor tutub.
Kanq klubun tarixində ilk qadın prezident olub.
“2023-cü ildən “Lion” idarə heyətinin üzvü olan Mişel Kanq klubun sədri və prezidenti təyin edilib. O, “Liqa 1”dən xaric edilməsinə qarşı klubun apellyasiya prosesinə rəhbərlik də daxil olmaqla, “Lion” icra hakimiyyətinə dəstək verməkdə fəal rol oynayacaq.
Con Tekstor isə idarə heyəti də daxil olmaqla, “Lion”dakı yüksək vəzifələrindən istefa verib.
Qeyd edək ki, Mişel Kanq amerikalı iş qadını və investordur. O, “Lion”un üçüncü ən böyük səhmdarı, həmçinin, klubun qadın komandasının əsas sahibidir.