Sent-Luisdəki Vaşinqton Universitetindən və digər tədqiqat mərkəzlərindən olan amerikalı alimlər beynimizin üzləri necə tanıması ilə bağlı qurulmuş fikirləri təkzib ediblər. Komanda başqasının görünüşünün xüsusiyyətlərini kodlayan xüsusi neyronlar tapıb.
Publika.az xəbər verir ki, tədqiqat Nature Human Behavior (NHB) elmi jurnalında dərc olunub.
Ənənəvi olaraq, beynin duyğu və yaddaşa cavabdeh olan amigdala və hipokampus sahələrinin insanın xarici xüsusiyyətlərinə deyil, şəxsiyyətinə cavab verdiyi düşünülür.
Ancaq son araşdırmalar bunun əksini göstərdi.
“Biz tanışlıqdan çox, ortaq vizual xüsusiyyətlərə əsaslanan üz qruplarını kodlayan neyronların yeni sinfini kəşf etdik”, - deyə müəlliflər izah ediblər.
Alimlər tibbi monitorinq üçün artıq elektrodlar implantasiya edilmiş 19 epilepsiya xəstəsi üzərində dörd təcrübə aparıblar.
Könüllülərə tanış və tanış olmayan simaların təsvirləri göstərilib, bundan sonra tədqiqatçılar beyin dövrələrinin xarici görünüş xüsusiyyətlərinə reaksiyasını təhlil edərək, amigdala və hipokampusda 3581 neyronun fəaliyyətini qeydə alıblar.
