Fanat saytından əldə olunan məlumata görə, ain.az məlumat yayır.
ABŞ-də təşkil olunan klublararası dünya çempionatında 1/8 finalın daha bir oyunu baş tutub.
Fanat.Az xəbər verir ki, 1/4-ə vəsiqə uğrunda dueldə İngiltərənin “Çelsi” və Portuqaliyanın “Benfika” komandaları üz-üzə gəliblər.
Oyunda hesabı 64-cü dəqiqədə “Çelsi”li Ris Ceyms açıb. 86-cı dəqiqədə matç əlverişsiz hava şəraitinə görə dayandırılıb.
Bir müddətlik fasilədən sonra bərpa olunan oyunda Canluka Prestianni meydandan qovulduğundan, "Benfika" 92-ci dəqiqədən etibarən azlıqda qalıb. Bununla belə, Portuqaliya nəhəngi 90+5-ci dəqiqədə hesabı bərabərləşdirib. Anxel Di Mariya penaltini qola çevirib - 1:1.
Əlavə vaxtda London klubu üç qol vuraraq, qalib gəlib. 108-ci dəqiqədə Kristofer Nkunku, 114-də Pedro Neto və 117-də Kirman Dyusberi-Holl fərqlənib.
“Çelsi” 1/4 finalda Braziliyanın “Palmeyras” komandası ilə qarşılaşacaq.
Sonrakı hadisələr barədə daha çox məlumat almaq üçün ain.az saytını izləyin.
