“Müqəddəs mübarizə” hərəkatının lideri arxiyepiskop Baqrat Qalstanyan və onun tərəfdarları terror aktları törətmək və konstitusiyaya zidd yollarla hakimiyyəti ələ keçirmək niyyətində şübhəli bilinir.
Yeniavaz.com “Sputnik Ermənistan”a istinadla xəbər verir ki, bu barədə Ermənistan İstintaq Komitəsinin mətbuat xidməti məlumat yayıb.
Məlumata görə, hazırda Qalstanyanın yaşadığı evdə istintaq hərəkətləri aparılır.
İstintaq Komitəsinin məlumatına görə, qanuni yolla hakimiyyət dəyişikliyinə nail ola bilməyən Qalstanyan 2024-cü ilin noyabrında zorakı hərəkətlərə hazırlaşmağa başlayıb.
Komitə iddia edir ki, etiraz hərəkatının lideri bir sıra tərəfdarları ilə əlbir olaraq zorakılıq aksiyalarına, o cümlədən müvafiq avadanlıqların alınmasına hazırlıq tədbirləri görüb.
Komitədən bildirilib ki, hərəkat tərəfdarları arasında aparılan müzakirələr zamanı keçmiş hərbçilərdən və keçmiş polis əməkdaşlarından ibarət hər biri 20-25 nəfərdən ibarət 200-ə yaxın “zərbə” qrupunun yaradılması barədə qərar qəbul edilib. Hər bir qrup əvvəlcədən təyin edilmiş tapşırıqları yerinə yetirərək, başqaları ilə ünsiyyət qurmadan, müstəqil hərəkət etməli idi.
Hüquq-mühafizə orqanlarının fikrincə, məqsəd 36 saat ərzində İrəvanda və Ermənistanın digər ərazilərində xaos yaratmaq və sabitliyi pozmaq olub. Hər şeyin hakimiyyətin diqqətini yayındırmalı olan hökumət binası yaxınlığında mitinqlə başlayacağı güman edilirdi.
İstintaq Komitəsinin iştirakçıların müzakirə etdiyi mümkün hərəkətlər arasında partlayışlar, binalarda atışma, yanğın törətmə, infrastruktura ziyan vurma, nəqliyyatın hərəkətinin qarşısını alma və hökumət saytlarına kiberhücumlar daxildir. Ehtimallara görə, bu, çaxnaşma yaratmalı və dövlət qurumlarının işini pozmalı idi.
Hərəkatın iştirakçıları 2025-ci ilin yanvarından planı həyata keçirməyə hazırlaşmağa başlayıblar. Onlar şəhərin infrastrukturu haqqında məlumat toplayıblar, xəritələr, avadanlıqlar əldə ediblər. Həmçinin, planlaşdırılan ssenariləri həyata keçirmək üçün 2025-ci ilin yanvar ayından etibarən 1000-ə yaxın insan işə götürülüb.
“Lakin bütün bu planlar Milli Təhlükəsizlik Xidmətinin əməkdaşları tərəfindən vaxtında aşkar edilib və iflasa uğrayıb”, - İstintaq Komitəsi bildirib.
Digər tərəfdən, Ermənistan Baş nazir Nikol Paşinyan sosial şəbəkə hesablarında hüquq-mühafizə orqanlarının ölkədə hakimiyyəti ələ keçirmək üçün kriminal oliqarx ruhanilərin planının qarşısını aldığını bildirib:
