Rusiyanın ən böyük banklarından biri olan VTB-nin prezidenti Andrey Kostin ABŞ-ın dollardan siyasi məqsədlər üçün istifadə etdiyini və bunun dollara ziyan vurduğunu bildirərək, “Düşünürəm ki, dolların monopoliya olduğu dövr yavaş-yavaş bitəcək” dedi.
VTB-nin sədri Andrey Kostin Sankt-Peterburq Beynəlxalq İqtisadi Forumu çərçivəsində AA müxbirinin suallarını cavablandırıb.
Rusiyaya qarşı tətbiq edilən sanksiyaların qeyri-qanuni olduğunu vurğulayan Kostin, "Biz artıq sanksiyalara öyrəşmişik, ona görə də bu gün bizə ciddi bir problem yaratmırlar. Sanksiyalar təbii ki, pisdir, amma bu şərtlər altında işləmək məcburiyyətindəyik" dedi.
ABŞ prezidenti Donald Trampın dövründə sanksiya siyasətində pauza dövrünün girildiyini bildirən Kostin, "Sanksiyaların uzun müddət qalmasına həmişə hazır olmuşuq. Ciddi bir dəyişiklik olacağı illüziyası altında deyilik. Strategiyamız hələ də sanksiyalar altında kifayət qədər uğurla işləyir. Son iki ildə rekord gəlir əldə edirik" söyləyib.
VTB-nin keçən il təxminən 500 milyard rubl (təxminən 6,4 milyard dollar) qazanc əldə etdiyinə diqqət çəkən Kostin, Rusiyada inflyasiya və yüksək siyasət faizlərinin mənfi amillər olduğunu bildirib.
Yüksək siyasət faizlərinin iqtisadi artımı yavaşlatdığını deyən Kostin, "Keçən il 4 faiz böyüdük, lakin bu il 2 faizdən aşağı düşəcək, bu, əlbəttə ki, iqtisadiyyat üçün yaxşı deyil. Bizim rublumuz da güclüdür. Bu, ixracatçılar üçün yaxşı olsa da, idxalçılar üçün mənfidir" fikirlərini səsləndirib.
