Böyük Britaniyada hökumət "Milli Təhlükəsizlik Strategiyası 2025: Təhlükəli Dünyada Britaniya xalqının təhlükəsizliyi" adlı yeni milli təhlükəsizlik strategiyası sənədini dərc edib. Sənəddə Türkiyənin güclü hərbi inteqrasiyası və müdafiə sənayesi əməkdaşlığı sayəsində Böyük Britaniya üçün əsas tərəfdaş olduğu bildirilib.
Böyük Britaniya hökuməti “Milli Təhlükəsizlik Strategiyası 2025: Təhlükəli Dünyada Britaniya xalqının təhlükəsizliyi” adlı yeni təhlükəsizlik, müdafiə və xarici siyasət strategiyasını dərc edib.

Sənəddə Türkiyənin Böyük Britaniya üçün əhəmiyyəti vurğulanır və bildirilir ki, “Qara dəniz, Qafqaz, Yaxın Şərq və Afrikanın kəsişməsində yerləşən Türkiyə Böyük Britaniyanın Avropada və NATO-nun cinahlarında təhlükəsizlik maraqları üçün vacibdir və güclü hərbi inteqrasiya və müdafiə sənayesi əməkdaşlığı vasitəsilə Böyük Britaniya üçün əsas NATO müttəfiqi və ikitərəfli tərəfdaşıdır”.

İran və Rusiyadan təhlükə artır
Sənəddə xüsusilə Rusiya və İranın yaratdığı təhlükələr vurğulanır və bəzi düşmən ölkələrin Böyük Britaniyanın enerji və təchizat zəncirlərini hədəfə ala biləcək potensial hücumlar üçün zəmin hazırladığına diqqət çəkilir.

"Böyük Britaniya ərazisinə birbaşa təhdid ehtimalına" diqqət yetirən hesabatda bu ssenariyə qarşı ölkə daxilində hərtərəfli hazırlıq görülməsi tələb olunur.

Sənəddə deyilirdi: “Uzun illərdə ilk dəfə olaraq, müharibə ssenarisində Böyük Britaniyanın vətəninin potensial olaraq birbaşa təhlükə altına düşə biləcəyi ehtimalına fəal hazırlaşmalıyıq”.

Sənəddə yeni təhlükəsizlik strategiyası çərçivəsində geniş ictimaiyyətin hazırlığını yoxlamaq üçün illik təlimlərin keçiriləcəyi, elektrik stansiyaları və su təchizatı kimi mühüm infrastrukturun mühafizəsi tədbirlərinin də artırılacağı qeyd edilib.

Bu çərçivədə, işə salınan yeni tətbiqin "Ev Müdafiəsi" olaraq təyin edildiyi ifadə edildi.

Strategiya sənədində Rusiya-Ukrayna müharibəsi və bu müharibə ilə müşayiət olunan kiberhücumlar, təxribat cəhdləri və artan nüvə ritorikası “ən təcili təhlükə” kimi müəyyən edilib.

Sənəddə qiymətləndirilib ki, “Bəzi düşmənlər gələcək münaqişələrin əsasını qoyur, enerji və təchizat zəncirimizdə böyük pozulmalara səbəb olacaq şəkildə sürətlə hərəkət etmək üçün özlərini mövqe tuturlar ki, onların təcavüzü ilə üzləşməyimizə mane olsun”.

Sənəddə həmçinin İranın Britaniya torpaqlarında düşmənçilik fəaliyyətinin artdığı və bu fəaliyyətlərin həm İranın müxaliflərini susdurmaq, həm də birbaşa İngiltərəni təhdid etmək məqsədi daşıdığı vurğulanıb.

"Britaniya indi hər gün daxili cəbhədə yeni təhlükələrlə üzləşir"
Böyük Britaniyanın baş naziri Keir Starmer sənədin dərcindən sonra Sky News televiziyasına verdiyi açıqlamada, "Britaniya indi hər gün daxili cəbhədə yeni təhlükələrlə üzləşir" dedi.

Starmer ölkənin "çox tez-tez və ciddi" kiberhücumların hədəfi olduğunu vurğulayaraq, xüsusilə enerji təhlükəsizliyinə və İrandan gələn təhdidlərə qarşı diqqətli olmaq lazım olduğunu bildirib.

Baş nazir Starmer, "Biz özümüzü bu təhdidlərdən lazımi şəkildə qorumalıyıq və bunu edəcəyik" dedi.

aia.az
Tərcümə şöbəsi

• Türkiyə
• Əməkdaşlıq
• Müdafiə Sənayesi
• Böyük Britaniya