Amerikanın “B-2” bombardmançı təyyarələri iyunun 22-də İranın İsfahan, Natanz və Fordo nüvə obyektlərinə qəfil hücumlar həyata keçirib. Fordonun peyk görüntüləri bombalamadan əvvəl bölgədə baş verənləri ortaya qoyub.
“Maxar Technologies” peyk firmasının baş analitikinin sözlərinə görə, ABŞ-ın hücumundan bir neçə gün əvvəl çəkilmiş peyk görüntüləri Fordo atom elektrik stansiyasında yük maşını və avtomobillərin qeyri-adi fəaliyyətini göstərib.
İyunun 19-da İranın yeraltı hərbi kompleksinə gedən giriş yolu boyunca 16 yük maşını olub. Təhlillərə görə, çəkilən şəkillər yük maşınlarının əksəriyyətinin təxminən yarım mil şimal-qərbdə, obyektdən daha uzaqda getdiyini göstərir.
Digər yük maşınları və buldozerlər obyektin girişinin yaxınlığında, o cümlədən biri birbaşa onun yanında yerləşdirilib.
***
Amerikanın “The Washington Post” qəzetinin məlumatına görə, hücumlardan bir gün əvvəl iyunun 21-də çəkilmiş görüntüləri araşdıran Elm və Beynəlxalq Təhlükəsizlik İnstitutunun baş elmi işçisi Spenser Faraqasso, iranlıların digər səbəblərlə yanaşı təhlükəli materialların yayılmasının qarşısını almaq üçün ehtiyat tədbiri olaraq tunelləri doldurmuş ola biləcəyini söyləyib.
“Middlebury” İnstitutunun Ceyms Martin Nüvə Silahlarının Yayılmaması Araşdırmaları Mərkəzindən Ceffri Lyuis, "Onlar yəqin ki, tunelləri bağladılar və bacardıqlarını çıxardılar və sonra oranı möhürlədilər", – deyib.
İndi yük maşınlarının göründüyü yerin yaxınlığındakı tunelin girişləri ya bomba partlayışının şok dalğasından, ya da İranın əvvəlki fəaliyyətlərindən torpaqla dolu görünür. Obyektin dağıntılarından olan boz-göy kül qatı qumun üzərində yatır.
