ABŞ Dövlət Departamenti dünya üzrə səyahət edən vətəndaşlara qlobal təhlükəsizlik xəbərdarlığı edərək, onları terror hücumları, zorakılıq hadisələri və etiraz aksiyaları riski ilə əlaqədar diqqətli olmağa çağırıb.
Dövlət Departamentinin bəyanatında deyilir ki, xaricdəki Amerika vətəndaşları terror hücumları, kütləvi nümayişlər və ya ABŞ vətəndaşlarına və maraqlarına qarşı zorakılıq aktları potensialına görə diqqətli olmalıdırlar.
Dövlət Departamenti vətəndaşlara səyahətdən əvvəl və səfər zamanı təhlükəsizlik vəziyyətlərini diqqətlə izləməyi, rəsmi xəbərdarlıq və elanları yoxlamağı tövsiyə edib. O, həmçinin vətəndaşları fövqəladə hallar zamanı yerlərini asanlıqla müəyyən etmək üçün Departamentin Ağıllı Səyyahların Qeydiyyatı Proqramına (STEP) qeydiyyatdan keçməyə çağırıb.
